كشف الفنان حسن الرداد تفاصيل طريفة من حياته اليومية مع زوجته إيمي سمير غانم، متحدثًا عن اهتمامها الكبير بالنظافة، وذلك بعد الجدل الذي أثارته "كيكة عيد ميلادها".

تصريحات حسن الرداد عن زوجته إيمي سمير غانم 

وأوضح حسن الرداد خلال لقاءه بـ ET بالعربي: "هي إيمي من الناس اللي عندها النظافة طبعًا أوفر، فالبيت مش هتلاقي فيه ترابة، فلو دخلت دبانة في البيت يبقى حالة طوارئ، وفعلاً مش بأوفر هي فعلاً بتضايق والموضوع كبير، وإزاي دخلت الدبانة، وتحب تعرف هي الدبانة دخلت منين، عشان يبقى في حد مقصر فتح حاجة عشان كده دخلت".

وأضاف في سياق المزاح: "قومت كاتب ليها على التورتة إني في دبانة دخلت البيت"، في إشارة خفيفة إلى مدى حرصها الشديد على نظافة المنزل.

ولفت أيضًا إلى أن إيمي تجمعها علاقة خاصة بمن يساعدونها داخل المنزل، إذ تشاركهم تفاصيلهم اليومية وحكاياتهم الخاصة، قائلًا: "في ناس معاها بيساعدوها في البيت، فهي عندها قصص كتير مع الناس دي في عالم تاني، بمشاكلهم بحياتهم، فطول الوقت هي عايشة معاهم في عالم تاني".