فجر رامي الجبالي مؤسس صفحة أطفال مفقودة، مفاجأة من العيار الثقيل عن “إسلام” المخطوف من عزيزة بنت إبليس، مؤكدًا أنه قام بتزوير نتيجة تحاليل DNA التي زعم إيجابيتها ليعلن عثوره على أسرته، مما يعني أنه لا ينتمي للعائلة الليبية التي ظهر معها منذ أيام، وذلك خلال منشور عبر حسابه الشخصي بموقع التواصل الإجتماعي الأشهر “فيسبوك”.

رامي الجبالي يفضح أكاذيب إسلام المخطوف: المعمل اللي عملت معاه التحليل و قالولي انك مش ابنهم و انهم بلغوك بأن التحاليل نتيجتها سلبيه 

وجه رامي الجبالي تحذيرًا لإسلام إذا لم يعترف بالحقيقة ويصارح العائلة الليبية بأنه لا ينتمي إليهم، مشيرًا إلى أن التحاليل أكدت أن هذه الأسرة من سلالة من قبائل عربية، تختلف عن سلالته، لذا من  المستحيل أن يكوت قريبهم بأي شكل من الأشكال.

نشر رامي الجبالي صورة من تحليل الـ DNA الذي ثبت سلبيته، وأرفقها برسالة تكذب إسلام، حيث قال: “خلاص لمينا الأسود .. و الورود .. و خلصنا live علي tiktok و منصات .. و هزرنا و ضحكنا .. نقول لهم الحقيقه بقي عشان ميصحش يا 71461 .. بعتلك علي واتساب مش بترد، اتكلمت مع المعمل اللي عملت معاه التحليل و قالولي انك مش ابنهم و انهم بلغوك بأن التحاليل نتيجتها سلبيه .. و انهم حاولوا يتواصلوا معاك بعد ما شافوا الفيديوهات و الكلام الغريب اللي بتقوله برضو مش بترد عليهم ...هنعمل ايه دلوقت بقي؟”.

وأضاف “الجبالي”: “التحليل بيقول انهم من سلاله من قبائل عربيه، و انك من سلاله مستحيل تكون قريبهم بأي شكل من الأشكال ... ايه بقي ! اللي فاهمين انهم اهلك انا مش عارف انت كذبت عليهم هما كمان بخصوص نتيجة التحليل او لا ... لو كذبت عليهم مش هقولك غير الله يسامحك علي اللعب بمشاعر أسرة ضايع منها ابنهم ”.

وتابع: “و لو عارفين و موافقين علي اللي بتعمله فأنا بقولك ده تزوير و إختلاط أنساب و المتضرر الأكبر هيكون انت و اولادك في المستقبل لما فجأه السر ينكشف و اولادك تلاقي نفسها بدون أوراق ثبوتيه و حضرتك تترمي في السجن (لا قدر الله)”.

واستكمل: “إحنا بقالنا سنين بنحاول نفرح الأهالي برجوع أولادها بعد سنين، و لم و لن نشارك ولو بالصمت علي الفيلم اللي بيحصل ده ... لان ده هيشكك الناس في كل قصة نجاح عملناها أو بنعملها و المجتمع هيشوف ان كل دي مجرد أكاذيب لما تنكشف كذبتك دي ... و ان فرحتهم و زعلهم كان استغلال لمشاعرهم و خلاص. انا فعلا مش عارف بتخطط لإيه .. و مصدوم بصراحه !”.

واختتم حديثه قائلًأ: “ده إنذار أخير ... و بتحداك تحط نتيجة تحاليل معمل Ysec اللي عملتها في ألمانيا مع اخوك و والدتك (اللي كنت فاكرهم اهلك) و نتيجتها خرجت من كان يوم سلبيه ... و من بعدها خرجت تحتفل مش عارف ازاي و علي ايه ... و اللي اتكلفت بالمناسبة ١٨ الف جنيه فقط مش ٤٥ الف جنيه زي ما بتقول في كل مكان”.

إسلام ضحية عزيزة بنت إبليس يعثر على أسرته الحقيقية

يُذكر أنه في مفاجأة غير متوقعة، قد ظهر إسلام ضحية “عزيزة بنت إبليس”، في مقطع فيديو عبر حسابه على منصة تيك توك، ليعلن عثوره على عائلته الحقيقية، بعد سنوات من البحث عنهم.

أعلن إسلام عن إيجابية تحاليله مع أسرته الجديدة، ليكشف عن مولده في العامرية لعائلة "الضو"، وينتمي لأصول ليبية، مشيرًا إلى أن أخوته يعيشن ما بين ليييا ومصر، ولديه ١١ أخ و٤ بنات.