تحولت شوارع وميادين محافظة الإسكندرية في الآونة الأخيرة إلى "جراجات مفتوحة" ومواقف عشوائية لسيارات السرفيس والميكروباص، مما أدى إلى حالة من الشلل المروري في شريان المدينة الحيوي، وسط استغاثات من المواطنين بتدخل عاجل لإعادة الانضباط المفقود. تسبب هذه المواقف شللاً في المحاور الرئيسية، مثل الطريق الساحلي الدولي وكوبري أبيس، نتيجة وقوف سيارات الميكروباص والشركات في أماكن غير مخصصة.
 

رصدت " الوفد " معاناة أهالي عروس البحر المتوسط من أزمة مزمنة في منظومة النقل الداخلي، تتجسد في انتشار المواقف العشوائية وظاهرة "تقطيع المسافات"، مما يضع المواطن السكندري تحت وطأة الاستغلال اليومي. من ابرز  بؤر التجمع العشوائي: تتركز هذه المواقف في مناطق مزلقان فيكتوريا، سيدي بشر، والكيلو 21 بالعجمي، والمنشية، والورديان، وكوبرى الناموس يزداد انتشار هذه الظاهرة في أحياء المنتزه أول وثان، شرق، ووسط الإسكندرية، حيث تفتقر هذه المناطق للتنظيم المروري الكافي. 
 

كما ان تقسيم خط السير الواحد إلى مراحل متعددة لتحصيل الأجرة أكثر من مرة، وهي شكوى متكررة خاصة بعد إيقاف قطار أبي قير لتنفيذ مشروع المترو.كما يتم  فرض مبالغ إضافية تتجاوز التعريفة المقررة، 
 

"غياب الرقابة "

قال عبد الله محمود موظف في شوارع الإسكندرية، وتحديدًا داخل “المواقف” التي غابت عنها الرقابة، يعيش المواطن السكندري يوميًا مأساة “الإذلال” من أجل مقعد في ميكروباص، وبلطجة السائقين الذين فرضوا “قانون الغابة” على الركاب، متسائلًا: لماذا يدفع المواطن “ضعف الأجرة” في رحلة واحدة؟ ومن أعطى الحق لـ “سمسار الموقف” أن يتحكم في رقاب العباد ويقسم الطرق على هواه ؟، يلزم وجود رقابة قوية، نجد ان التوسعات فى المحاور وطريق الكورنيش وشارع ابى قير وحدها لا تكفى ولكن الحل هو المتابعة من الأجهزة التنفيذية ممثله في شرطة المرور وشرطة المرافق وإدارة أشغال الطرق بالحي وهو تكاتف الجهود وتطبيق صحيح القانون في عدم الوقوف في الممنوع والسير عكس الاتجاه أعلى الكوبري واسفل الكوبري

" التوكتوك يتحكم فى الشوارع "
قال اسماعيل محمد بالمعاش: للأسف المعهد الدينى بالعصافرة والشوارع الجانبية والأكشاك اللى أمام المنازل بشارع الأمام مالك والشوارع التى استغلت كجراج التكاتك مقابل اتاوات تصور ان شارع كامل مستغل لبائعي السيراميك حتى أصبح الشارع باسم شارع السيراميك والحى على علم بذلك، والتوكتوك يتحكم فى الشارع ودائما الشجار مع أصحاب السيارات الملاكى والأجرة بسببب حالات التصادم التى يتسبب فيها التوك توك ويتسبب فى احتكاك السيارات، وعندما احد يعلم بزيارة المحافظ تتغير الشوارع وتصبح المنطقة بتنظف والدنيا بتبقى فايقه وبعد إنتهاء الزيارة بترجع ريما لعادتها القديمة الفرشات العشوائية اللى واخده نص الطريق لحسابهم وكل محل فارش ومحتل نص الطريق قدام محلاتهم وهما دول سبب الزحمة لو كل محل ألتزم بداخل محله فقط الدنيا حتروق وحتبقى تمام .

وأضاف: ياريت كمان المحافظ يتفقد المشاريع إلى بيقطعو الأجرة المنشية والمحطة مافيش مشاريع من أبو يوسف منشيه ولا محطه بيحمل البيطاش ويرجع يكمل منشية وياخد أجرة تانية، يعنى انا ركبت من أبو يوسف منشيه 16 ومش بس كده انزلنا نصف المسافة السبع بنات، وقال أخرى كدا وكان فاضى بعد ما الناس نزلت وانا صورت نمر العربية معيا ومش عارفه اعمل ايه.

" كارثة عشوائية "
قال ممدوح شعيب موظف: للاسف العجمي أصبحت كارثه عشوائية تفرض نفسها على المجتمع السكندري وتحولت الي الصين الشعبية بفضل المسؤولين وكل يوم تزداد سوءا بسبب تخبط القرارات الغير مدروسه وعدم وجود تخطيط وتنفيذ حقيقي، وأيضًا اتوبيسات رويال الجديدة اللي بتطلع من محطة الرمل لحد ٢١ بيحددو المسار علي مزاجهم ومش بيرضو يكملو لحد ٢١ بيقفو الاخر في الهانوفيل رغم أن مكتوب علي الاتوبيس ٢١ ماشيين علي مزاجهم وموقف المكيف ٢١ محتاج رقابة جامدة بيقفو وقت طويل، وتعمد السائقون تقسيم خطوط السير إلى أجزاء لتحصيل أجرة مضاعفة، والوقوف في منتصف الطرق لتفريغ وتحميل الركاب، مما يسبب تكدسات غير مسبوقة.

" السواقين تتحكم فى الشوارع "
قال سعد محمد عامل: للأسف المواقف العشوائية تتوغل فى منطقة  (فيكتوريا والمندرة): "السواقين بيقفوا بالعرض  في الميادين وبيعملوا موقف عشوائي قدام عيون الكل، ويتحكموا فى الشارع  ومحدش بيقدر يتكلم معاهم، واللي بيعترض بينزلوه من العربية".
 

كما ان نتشار المواقف العشوائية لم يقتصر على الميكروباص، بل امتد لوسائل أخرى "التوك توك بقى بيعمل مواقف في دخلة الشوارع الرئيسية زي شارع القاهرة والمعهد الديني، وده بيقفل الطريق تماماً قدام عربيات الإسعاف أو المطافي" .