أكد توفيق السيد الخبير التحكيمي ، أن أوسكار رويز رئيس لجنة الحكام هو سبب الأزمات الحالية للحكام

وقال السيد في تصريحات مع سهام صالح لبرنامج الكلاسيكو: استغربت ان محمود وفا هو اللي هيحكم ماتش الاهلي وسيراميكا  لان هو اللي دار ماتش الدور الاول

واضاف: الحكم كان في بطولة ورجع مصر 48 ساعه بعدين راح كفر الشيخ بغدين رجع ، هو اوسكار عبقري يعني للدرجه دي ولا ايه

وتابع: اوسكار هو السبب الرئيسي في الازمه اللي احنا فيها دي فيه حكام بتلعب 3 او 4 ماتشات في اسبوع واحد ازاي ده

وواصل: مينفعش كاتحاد الكورة احدد مين اللي يروح طالما انا سمحت حد يجي يسمع الفار  ومفيش لايحه بتقول كده ، والمفروض ان مفيش مانع ان اي حد يروح يمثل الاهلي ، واتحاد الكرة عمل مشكله من مفيش مشكىه

واكمل: المفروض الوفد كان سمع الفار والسلام عليك وعليكم السلام ، اوسكار معندوش ثقه في الحكام المصريين اللي معاه ف اللجنه

وعن الاتهامات الجنسية التي لاحقت وزير ، قال توفيق السيد: هذا الكلام منتشر ومعروف وقرأته في الصحف، وشوفت تقارير ان اوسكار عنده قضايا في تخرش وحاجات ليها علاقه بالاداب.. والكلام ده من
جرائد ومواقع كبيرة

وواصل: ولو هو متهم او ملطوط في حاجه زي كده لازم يمشي فورا