كشف الفنان نور النبوي تفاصيل جديدة عن فيلمه الجديد كان يا ما كان، الذي يجمعه بكل من أشرف عبد الباقي وياسمينا العبد، متحدثًا عن كواليس التصوير والتحديات التي واجهها خلال التحضير للعمل.
نور النبوي: قضيت 3 شهور أستعد لفيلم “كان يا ما كان”
وقال نور النبوي خلال لقاءه بـ ET بالعربي: "بعمل فيلم مقدرش أتكلم عليه كتير، عشان أستاذ أحمد بدوي يتكلم عليه المنتج الكبير، أنا مبسوط بالفيلم ده، إحنا قعدنا نشتغل عليه سنة ولسه مخلصين تصويره".
وأضاف: "الفيلم اتصور بالكامل في الأقصر، وده شيء مبسوط منه جدًا، لأنه بيورّي قد إيه معالم الأقصر جميلة، وكمان فيه قصة لطيفة".
وأشار إلى التحدي الأكبر في العمل قائلًا: "قعدت 3 شهور أذاكر للفيلم، وأنا بتكلم فيه تقريبًا 4 لغات، منهم صعيدي وروسي وإسباني وفرنساوي".
واختتم حديثه قائلًا: "هو فيلم طيب وفيه مشاعر حلوة، وكل واحد اشتغل فيه اشتغل بقلبه، فأتمنى يعجب الناس، ولو مش قلقان مبقاش فنان، بس أنا متفائل عشان عاملين حاجة حلوة".
0 تعليق