أعلن الخبير الاقتصادي د. هشام صلاح عن استعداده وزوجته لإستضافة بنات سيدة الإسكندرية، وتحمل كافة مصاريف تعليمهما ومعيشتهما حتى زواجهما، بالإضافة إلى تكاليف علاجهما النفسي للتعافي من هذه الواقعة المأساوية بعد فقدان والدتهما، معتبرًأ أن لديه 5 بنات بدلًا من ثلاث، وذلك خلال منشور عبر حسابه الشخصي بموقع التواصل الإجتماعي الأشهر “فيسبوك”.
د. هشام صلاح: أنا وزوجتى على اتم استعداد لاستضافه بنات سيدة الإسكندرية
قال د. هشام صلاح: “ياجماعه..انا باعلن أمام الجميع.. أنا وزوجتى على اتم استعداد لاستضافه بنات المرحومه ب. س “سيدة الإسكندرية” وتحمل كافه مصاريف تعليمهم ومعيشتهم لحد زواجهم ان شاء الله .. مع تحمل تكاليف العلاج النفسي اللازم لتعافيهم من هذه الواقعة".
د. هشام صلاح: مستعد للتوقيع على كافة المستندات القانونية اللازمة لإستضافة بنات سيدة الإسكندرية
كما أشار إلى استعداده للتوقيع على كافة المستندات القانونية اللازمة لتنفيذ الأمر حيث قال: “مع استعدادى للتوقيع على كافة المستندات القانونية اللازمة لتنفيذ ذلك. وهاعتبر إن عندى ٥ بنات مش ثلاثة”.
في السياق ذاته، كشف د. هشام صلاح عن سبب إعلانه عن استعداده لإستضافة بنات سيدة الإسكندرية، قائلًا: “ياجماعه والله انتوا كبرتوا الموضوع اى حد هايقرا الكلام اللى ف البوستات ده هايعمل زيى وأكتر كمان انا مش باعمل معجزة اى انسان لديه قلب هايقرا الكلام ده هايتحرك ويكتب اللى كتبته.. ده رد فعل طبيعى”.
وتابع: “وانا واثق ومتأكد ان فيه ناس كتير اوى غيرى عندهم نفس الاستعداد ده ..واكتر منى كمان .. مصر شعبها عظيم ومعجون بالخير تسليمهم لمعلمتهم ايه؟ لا إذا كان كده اخدهم اربيهم مع بناتى وانفذ وصية المرحومه .. ادى كل الحكايه”..
المصريون يشيدون بإعلان هشام صلاح استضافة بنات سيدة الإسكندرية: تستاهل جايزة الأب والمرشد والرجل المثالي كمان
سرعان ما حصد إعلان د. هشام صلاح إشادات واسعة من المصريين، حيث تفاعل معه رواد السوشيال ميديا، معبرين عن إعجابهم بقراره الذي يعكس شهامة وأصل الرجل المصري، وكانت أبرز التعليقات: “حضرتك راجل محترم ربنا يكتر من امثالك .. انا هعيط. م الفرحه بجد. كل يوم بيزيد فخري وحبي ليك ي بابا هشام والله العظيم مشوفتش لحد الان زي حضرتك انت فخر لينا ولمصر كلها والله ربنا يبارك بعمرك ويحفظك لينا ويزيدك كمان والله يعطيك كل الخير اللي ف الدنيا حقيقي حضرتك تستاهل جايزه الاب والمرشد والرجل المثالي كمان”.
كما علق آخرون: “بجد عجز الكلام عن وصفه دكتور بدرجة إنسان .. حاول طب يا دكتور توصل ل حد من اهلهم أو ليهم أو لو حد ليه معرفه بيهم يوصلك بأهلهم .. بجد عيوني دمعت .. ربنا يجبر بخاطرك يادكتور يارب”.
وناشد البعض المسؤولين بضرورة الإستجابة لطلب الدكتور هشام صلاح وسرعو تنفيذه، باعتبار أن هذا الأمر سيكون في صالح البنات ويغير حياتهما للأفضل، حيث علق أحد المتابعين قائلًا: “ياريت حد من المسئولين يساعد في ان ده يحصل عشان الولاد حياتهم تتغير للأفضل أكيد وربنا هيعوضهم بأحسن أب في الدنيا والله جزاك الله خيرا يادكتور”.
كما تضمنت التعليقات: “حضرتك انسان عظيم مش بيصدر منه الا كل فعل عظيم … ربنا يجعلك اثر طيب فى العالم أجمع ويخلد اسمك على مر الزمان … حضرتك هتكون ونعم الاب وزوجة حضرتك متأكدة انها من بيت كريم واصل طيب تعلم حجم المسؤولية ولم تتواني اتمني من كل قلبي أن ربنا يكرمهم بيكم كلنا هنحس بالأمان لو في إمكانية أن ده يحصل .. يارب ينفع يا دكتور وتحميهم من ده مجتمع … جزاك الله كل خير … ربنا يبارك في حضرتك يارب حضرتك اب لينا كلنا حقيقي”.
0 تعليق