استعاد الفنان تامر حسني، ذكرياته مع النجمة شيرين عبد الوهاب، والتي حقق معها نجاحا كبيرا بأغنياتهما سويًا في بداية مشوارهما الفني.
وكتب تامر حسني عبر حسابه الرسمي على فيس بوك: يلا اتفضلوا كلموني عن ذكرياتكم مع الألبوم التاريخي ده، ألبوم تامر وشيرين، للي مش عارف، دي كانت بدايتي أنا وشيرين، وده أول ألبوم لينا كان كل واحد فينا مغني نص الألبوم 4 أغاني لوحده وأغنيتين بيجمعونا مع بعض، زي "لو خايفة" و"لو كنت نسيت".
وتابع: طبعًا تحية من القلب للشخص اللي من مصر كلها والعالم العربي كله اختار من بينهم تامر حسني وشيرين عبد الوهاب، عشان يقدمهم في ألبوم واحد الأستاذ نصر محروس، أسطورة الإنتاج المصري والعربي، مين فيكوا بقى حضر الوقت ده أو سمع عنه؟، واللي هيقولي مكنتش اتولدت، يا ريت يقولها بشكل أفضل من كده.
في سياق آخر، تحدث الشاعر محمد حامد، عن كواليس صناعة أغنية «بعيش»، للفنان تامر حسني ضمن ألبوم «عينيا بتحبك»، ليكشف مفاجأت لأول مرة منذ 20 عامًا من طرحها.
وقال حامد خلال تصريحات تلفزيونية، إن الأغنية في البداية لم يكتبها للمطرب تامر حسني أو غيره، وعرضها فريق العمل على عدد من المطربين، وأعجب بها مطرب فلسطيني يدعى إياد.
وتابع قائلا: «كنا خلاص في إجراءات الأغنية وفي آخر وقت، قال لنا إنه سيسافر ولن يستطيع أن يأخذ الأغنية واعتذر عنها، لتكون من نصيب تامر حسني في الأخر سبحان الله».
واستكمل: «الكوبليه المحذوف كنت كتبته للمطرب الفلسطيني مخصوص، لأنه أراد أن تكون حالة خاصة تعبر عن قصته الشخصية، من سفر وغربة وهذه المشاعر، وبعد أن أخذها تامر حسني تم حذف هذا الجزء، لتبقى الأغنية كما سمعها الجمهور».
كلمات الكوبليه المحذوف:
وبكيت مش قادر أصدق أنت خلاص مشيت
فيها إيه لو جوا حضني واترميت
أقول نرجع تقول لي يا ريت
طب ليه سألت الطير عليك وقت الخريف
وإزاي لما انكسر قلبي الضعيف وقال عايزك تقول لي نسيت
يا غريب عن أرضي وسمايا، قدامي في مراية
مفيهاش خلاص اتنين، وإزاي حرتاح ما بين ناسي يا واجع لي إحساسي
البعد جالنا منين.
تفاصيل أغنية بعيش
أغنية «بعيش» من كلمات محمد حامد، ألحان تامر علي، وتوزيع أحمد عادل، وتعاون الشاعر محمد حامد مع عدد من كبار المطربين من بينهم أنغام، راغب علامة، تامر حسني، إليسا، فضل شاكر، سامو زين، هيثم شاكر، محمد عدوية وشذى وغيرهم.
0 تعليق