تفجرت خلال الساعات القليلة الماضية أزمة جديدة للاعب الاهلي السابق أشرف داري بعد نشر معلومات حول بلاغ تقدمت بها سيدة للنيابة العامة وحققت فيها، وقولها بأنه زوحته السابقة عرفيا وأكدت أن علاقتها به بدأت في إطار مهني أثناء عملها كأخصائية تغذية، قبل أن تتطور تدريجيًا إلى علاقة شخصية ثم ارتباط أسري، انتهى إلى زواج عرفي تم في نوفمبر 2025  

تفاصيل البلاغ ضد أشرف داري

وكشفت  تحقيقات النيابة العامة في البلاغ  الذي تحرر في 3 مايو الماضي وحمل رقم 6735   لسنة 2026 اداري التجمع الخامس، ان مقدمة البلاغ قالت خلال التحقيقات: “ اللي حصل إني اتعرفت على كابتن لاعب كرة القدم في 27/4/2025 وكان ساعتها بيلعب في النادي الأهلي، واتعرفت عليه عن طريق مكتب للتشغيل علشان هو كان محتاج حد للتغذية، وبالفعل رحت وعملت له نظام تغذية وكنت مقيمة معاه هو ومراته وعياله وباباه ومامته في الفيلا بتاعته اللي هو ماجرها في هايد بارك التجمع الخامس، كلاستر 18، فيلا 5/4”.

وتابعت "وبعد كده العلاقة تطورت ما بينا واتجوزت أنا وأشرف عرفي يوم 24/11/2025 وكنت برضه مقيمة معاهم في البيت، بس اتجوزنا من وراء مراته جيهان، وكان الجواز شاهد عليه اثنين أشرف بن شرقي وأمين سريح وكيل أعمال أشرف، واداني ساعتها مهر طقم ألماس (خاتم وإنسيال وكوليه صغير). 

واستمرت العلاقة الزوجية ما بينا من 24/11/2025 حتى 16/3/2026، وخلال الفترة دي جابلي هدايا عبارة عن خاتم وسلسلة وحلق وأسوارة ذهب، وكنت حطاهم في علبة مجوهرات في دولابي الخاص في الفيلا بتاعته". 

وبعد كده في 1/3/2026 جاله عقد إعارة للسويد، وساعتها قالي هسافر أنا ومراته وعياله للمغرب في بيته هناك لحد ما يظبط أموره 3 شهور ويسفرنا أي بلد خارجية ويوم 2/3/2026 سافرت لأهلي في الإسكندرية عشان أودعهم، وكنت سايبة الذهب في الفيلا، ولما رجعت لقيت علبة المجوهرات مش موجودة كلمته قالي أنا أخدتها معايا وهديها لك لما أشوفك، وبعدها سافرت للمغرب مع مراته وعياله، وبعد كده الكلام بيننا اتغير لحد ما حصلت مكالمة يوم 16/3/2026 شدينا فيها في الكلام، وقال لي إن أنا اللي رحت بإرادتي وبعد كده رجعت مصر، ومن ساعتها مش عارفة أسترجع مجوهراتي.

وعن  بداية تعاملك مع المشكو في حقه؟  قالت “ أنا اتعرفت على كابتن أشرف يوم 27/4/2025 وكان ساعتها بيلعب في النادي الأهلي، واتعرفت عليه عن طريق مكتب تشغيل، كنت مقيمة معاه هو ومراته وعياله وباباه ومامته في الفيلا بتاعته في هايد بارك، والعلاقة تطورت واتجوزت أنا وأشرف عرفي، وتمت تلك الزيجة تحديدًا يوم 24/11/2025”.

وعن سؤالها عن العقد قالت، العقد والورق كان معاه، وكان الجواز شاهد عليه أشرف بن شرقي وأمين سريح وكيل أعماله، والمهمر طقم ألماس (خاتم وإنسيال وكوليه صغير، وأبوه جابلي خلال فترة الزواج خاتم وسلسلة وحلق وأسوارة ذهب، وتم حفظ تلك المصوغات في علبة مجوهرات داخل دولابي في الفيلا، لما رجعت يوم 2/3/2026 لقيت العلبة مش موجودة، وكلمته قالي إنه أخدها وهيرجعها لي، وبعدها عمل لي بلوك، كنت مستنية يرجعها، ولما فقدت الأمل قدمت بلاغ.

وبعد الاستماع لأقوالها في مايو الماضي قررت النيابة صرفها من سراي النيابة وطلب تحريات الأجهزة الأمنية حول الواقعة.