كشف الفنان فتوح أحمد عن عدد من التفاصيل الخاصة بحياته الشخصية والعائلية، خلال ظهوره في أحد البرامج التلفزيونية، حيث تحدث عن علاقته بابنته الوحيدة، إلى جانب حديثه عن العائلة والنجاح والخوف من المستقبل.
تصريحات فتوح أحمد
وقال فتوح أحمد خلال ظهوره مع الإعلامية نهال طايل، في برنامج تفاصيل المذاع عبر قناة صدى البلد 2، إن ابنته تتعامل معه وكأنه مليونير بسبب كونها ابنته الوحيدة.
وأضاف الفنان:"فرح دي بتبتزني وبتعاملني مليونير عشان مفيش غيرها، وبقولها يا حبيبتي أنا مش نجيب ساويرس، أيوه أنا مش نجيب يا حبيبتي، الحمد لله إحنا أحسن من غيرنا كتير".
وتابع فتوح أحمد حديثه قائلًا إن الصعايدة بطبيعتهم لا يظهرون مشاعر الحنان بسهولة، موضحًا أنهم يميلون إلى الجدية في تعاملاتهم.
وأشار إلى أنه لا يريد أن يجعل ابنته شديدة التعلق به، خاصة أنها جاءت في مرحلة متأخرة من عمره، موضحًا: "أنا بالنسبة لفرح مش عاوز أعلقها بيا لأنها جات على كبر وأنا مش قاعد ليها كتير".
وأضاف:"أنا محبتش أربطها بيا، وحاسس إني مش هقعد معاها كتير بالشكل ده، فبصراحة مش عايزها ترتبط بيا، عايزها تبقى قوية وتعتمد على نفسها عشان تقدر تكمل".
وأكد الفنان أنه لا يشعر بالخوف على ابنته بسبب وجود عائلة كبيرة تدعمها، قائلًا:"عندي إخواتي وولادهم، العيلة عندنا كبيرة أوي، إحنا تقريبًا 600، وليها عزوة وليها ضهر، وأنا معايا 11 أخ".
واختتم فتوح أحمد حديثه بالتأكيد على أهمية الاعتماد على النفس وبناء الشخصية، قائلًا:"عمرهم ما بخلوا عليا بحاجة، بس المهم إنك تفكر في نفسك، إيه أكتر حاجة بتشغلك في المستقبل؟ النجاح إنك تبني نفسك باسمك وتعبك ومسؤوليتك، دي كلها حاجات بتبين شخصية الإنسان".
0 تعليق