أعلن أحد رواد مواقع التواصل الإجتماعي عن وفاة صديقه بسبب اتباع نظام الطيبات للدكتور ضياء العوضي بعد توقفه عن تناول الأنسولين، وذلك خلال منشور عبر حسابه الشخصي بموقع التواصل الإجتماعي “فيسبوك”.
شخص يعلن وفاة صديقه بسبب نظام الطيبات
قال محمد الدالي: “ملعون نظام الطيبات ، وملعون الي قال عليه ، صاحبي مات بسببه ، الله الأمر”، مضيفًا: “توقف عن الأنسولين يا جماعة من فتره بسبب نظام الطيبات”.
سرعان ما انهالت التعليقات على منشور الدالي، داعيين لصديقه بالرحمة والمغفرة، كما أعربوا عن رغبتهم في تراجع مؤيدي نظام الطيبات عن اتباعه خوفًا على صحتهم .
ضحية جديدة لنظام الطيبات
وكانت أبرز التعليقات : “ربنا يشيل الغشاوة من على عيون الناس ، لا حول ولاقوة الابالله والله الواحد ما عارف يقول،،،،،،، ولا ربنا يرحمه ولا ربنا يشفي كل جاهل المرض اهون من الجهل، لله الامر بجد عقلهم فين ولسه فيه ناس بتدافع اي حصل للناس بس ، يعني ايه طيبات؟، عقلك في رأسك تعرف خلاصك ، والله يا دكتور النقاش مع الناس اللي مصدقينه صعب بجد يقولو احنا بناخد الحاجات الكويسه وهو حلو وخفينا وبطلنا علاج وتصرخ مهما تصرخ ولا حد يسمعك”.
ماتت بسببه.. زوج ضحية ضياء العوضي يكشف تفاصيل صادمة عن علاجها بنظام الطيبات
في السياق ذاته، قد كشف الدكتور محمود البريدي زوج الدكتورة شيماء إحدى ضحايا الدكتور ضياء العوضي، حسبما وصفها الإعلامي عمرو أديب، عن تجربة زوجته الراحلة مع نظام الطيبات مشيرًا أنه أودى بحياتها وكان السبب الأول وراء وفاتها.
روى د. محمود البريدي خلال مداخلة هاتفية مع الإعلامي عمرو أديب ببرنامج “الحكاية”، بداية تعرف زوجته على د. ضياء العوضي، مشيرًا إلى أنها تم تشخيصها بمرض الذئبة في عام ٢٠١٨ ، أتعالج مع أساتذة وأطباء وتابعت بروتوكول علاج خاص بيها لغاية عام ٢٠٢٥، لما شافت فيديوهات لضياء العوضي".
وتابع: “طلع مع حد إعلامي واترجم وقتها بإنه دكتور جديد يتبع فكرًا جديدًا في العلاج، بعتتلي زوجتي فيديوهات ليه أشوفها واقيمه قالتلي ده أستاذ في عين شمس، وقلتلها لا كلامه مش مظبوط، لكن هي عشان تعبانك ومريضة وبتاخد كورتيزون بقالها ٨ سنين وكمان مثبطات مناعة فهي تعبت من كتر الأدوية ولقت حد بيقولها هريحك خالص من الأدوية كلها وهديكي نظام غذائي هتمشي عليه وهتبقي كويسة”.
واستكمل: “بالفعل راحت له ودفعت كشف وفضل يقولها سجلي كل كلمة بقولها أنا بدلدق علم للتاريخ، وهتطلعي معايا ترند أوعديني انك تمشي على النظام بظبط أوعدك انك هتيجي تسجلي معايا وهتعيشي ٣٠ سنة كمان”.
وأردف: “سمعت كلامه ومشيت على النظام ووقفت دواها أملًا في إنها ترتاح من الأدوية لحد ما بدأت تحاليلها تبقى مش كويسة والمعمل بدأ يحذرها والهيموجلوبين وصل لحد ٦.٢٣ مناعتها ضعفت خالص وبقى عندها نزيف”.
وتابع د. البريدي باكيًا: “بدأت تستغيث بالدكتور ضياء بقى يرد كل يومين تلاتة يقولها وقفي جبنة وسابها تنزف أيام ففضلت تبعتله وتقوله أنا لو مت عيالي هيعملوا ايه، وفضلت تقوله لو معندكش حل قولي اروح مستشفى يشوف الكلام وميردش ”.
واستكمل: “أخيرًا اتصلت بيا وقالتلي الحقني انا بموت ودتها المستشفى والمناعة واقعة ومفيش اي استجابة للدوا اللي بيقولوه الدكاترة لحد ما توفت الله يرحمها”.
وأضاف: “خدت الإجراءات القانونية وقدمت بلاغ للنائب العام ضد الدكتور ضياء ولكن كان أمر الله نفذ”.
واختتم: “أنا بناشد الناس وبقولهم اوعوا توقفوا أدوية بتاعتكم”.
0 تعليق