كشفت شهد أحمد ضحية خطيبها بـ28 طعنة، تفاصيل محاولة قتلها على يد خطيبها، فيما أكد والدها أن المتهم قد هدّده بنشر صور شخصية لابنته.

وقالت شهد أحمد خلال لقاء لها لبرنامج “90 دقيقة”، عبر فضائية “المحور”، إنّها تبلغ من العمر 21 عامًا، وتعمل كاشير في أحد المطاعم من الساعة الثالثة حتى الحادية عشرة، معقبة: "كنت طالعة ومفيش أي حاجة ومعرفش، قلت لخطيبي خلاص كل واحد فينا يروح لحاله ومعرفش إنه هيتربص لي. هو كان بيبعتلي تهديدات ع التليفون، أنا هقتلك، أنا هخليكي زي نيرة، أنا هحسر قلب أمك عليكي. بس ما جاش في دماغي إنه هيقدر يعمل فيا حاجة".

وأضاف أنّها لم تكن تتوقع أن يحاول قتلها، لأنه كان يحبها: " أنا ساكنة في الدور السادس، وكنت طالعة من شغلي، جاية من أكل عيشي، وكنت رايحة آكل وأقعد وأنام على سريري، لقيته بعد كدة طالع على السلم، وجاي في وشي وحط إيده على بقي.. هو كان مستخبي ع السلم، وأنا كنت طالعة شقتنا ومفيش حاجة ومسلمة على الجيران، ولسه جاية من شغلي مفيش أي حاجة".

 هحسر قلب أمك عليكي

وتابعت: "كان عمال يخبط في صدري لأني عمالة أصوت وكتم نفسي ومش قادرة أطلع نفس، في الآخر لما وقعت في الأرض وقبل ما يخبط في دماغي بيقولي: مش أنا قلتلك إن أنا هحسر قلب أمك عليكي؟ راح خبطني في دماغي وجاري".

وعبّرت شهد عن حزنها الشديد بسبب تعرضها لمحاولة قتل من خطيبها السابق، مؤكدة أنها تريد الحصول على حقها، قائلة: "عايزة حقي، عشان أنا وشي باظ واتشوه ودراعي باظ، دراعي عجز ولا أعرف أشتغل ولا أعرف أعمل أي حاجة تانية".

وأضافت أنها تتعرض للإغماءات دائما بسبب تدهور حالتها الصحية، كما أنها أصبحت تشعر بالخوف من كل الأشخاص حولها، حتى إخوتها، لأنها تعتقد في كل مرة يحاولون التواصل فيها معها بأنها خطيبها الذي حاول قتلها، وأنه جاء إليها مرة أخرى لتنفيذ تهديده لها بقتلها: "أنا بموت، أنا كل ما آجي أحاول أقوم أتعدل ع السرير كدة يقوم مغمى عليا تاني، وبقيت أخاف أشوف أخواتي، كل ما حد منهم يخش عليا أتخيله أحمد اللي هو جاي يموتني".