علقت الإعلامية ياسمين عز على الجدل المثار حول مبادرة تيسير الزواج في محافظة المنيا، والتي ربطت أوزان الذهب بالمؤهل الدراسي للعروس، معبرة عن استغرابها من الفكرة بأسلوب ساخر خلال برنامجها كلام الناس.
وقالت ياسمين عز خلال برنامجها كلام الناس:"ليه 150 جرام دهب رايح يتجوز حتشبسوت؟ دي مبادرة تيسير الزواج أومال لو تصعيب، مالها الدبلة العادية والسلسلة عليها ما شاء الله راحت فين".
وأضافت:"فاكرة لما كنت بقولك ذاكري يا بليدة كنت بقولك عشان تاخدي الـ150 جرام، كان قلبي عليكي، شيء ميرضيش ربنا مش رايح يخطب شيماء حطب، إن شالله عنك ما اتجوزتي، خلو البنات تعنس والشباب ميتجوزش".
ياسمين عز
وفي سياق مختلف، كانت الإعلامية ياسمين عز قد ناشدت وزارة الاتصالات باتخاذ إجراءات صارمة تتعلق بالإنترنت في مصر، وذلك عبر برنامجها كلام الناس، قائلة:"أرجوكم افصلوا النت عن مصر، أنا قلبي عليكم إحنا ملناش إنترنت، كل يوم 70 فيديو ومنشن لوزارة الداخلية، وإحنا شاكرين مجهوداتكم، ربنا يكون في عونكم"، في إشارة إلى ما وصفته بالكم الكبير من المحتوى المزعج أو المفرط على الشبكة.
وسبق لها أيضًا، خلال موسم رمضان الماضي، أن وجهت رسالة إلى السيدات، علقت فيها:"أول يوم رمضان بلاش تبقي تقليدية وتعملي بط ومحشي زي مصر كلها.. غيري واعملي فول وبتنجان في أول يوم عشان تخليهم يحسوا بالفقراء والمحتاجين، ورمضان شهر عبادة مش شهر بط".
0 تعليق