كشفت الفنانة صفوة عن جوانب مؤلمة وصادمة من حياتها الشخصية والفنية خلال لقائها ببرنامج أسرار النجوم مع الإعلامية إنجي علي على راديو نجوم إف إم، حيث تحدثت بصراحة غير معهودة عن الظلم الذي تعرضت له في مشوارها، وعلاقتها بالرجال، والأسباب الحقيقية وراء قرارات مصيرية اتخذتها في سن صغيرة
صفوة: اتظلمت كتير وأنا كتلة من الظلم
بدأت صفوة حديثها باعتراف موجع قالت فيه إنها اتظلمت كتير في مشوارها الفني وإنها عبارة عن كتلة من الظلم، وأوضحت أنها طول الوقت بتقابل أصحاب تأمنهم على أسرارها ويطلعوا مش أصحاب، وبتقابل حد تفتكره السند ويطلع مش كويس، وهو ما جعلها تخاف ومبقتش تثق في حد، وأكدت أن مفيش حد قريب منها في الوسط الفني وكله شغل بس.
صفوىة: كرهت الرجالة وقلبي استنزف
وانتقلت صفوة للحديث عن علاقتها بالرجال وقالت في تصريحات رصدها موقع تحيا مصر إن الست الحلوة حظها وحش مع الرجالة، بس مش كلهم، لكنها استدركت أن حظها هي وحش مع الرجالة كلها، وأعلنت صراحة أنها كرهت الرجالة، وردت بغضب على سؤال بيتكرر كتير وهو لو جالك حد دلوقتي هتوافقي، واعتبرت أن السؤال ده قلة أدب، خاصة أنها اتجوزت وجدة دلوقتي، وأكدت أنها لو جالها الونس مش هتلبس فستان وتتصور لأنها مش هتحب تاني وقلبها استنزف خلاص ومفيش عندها حاجة تديها لأي حد، وأن اللي فاضل في قلبها حفيدها أخده وجالها في الوقت الصح.
صفوة: بعمل أدوار مش راضية عنها عشان أعيش
وتطرقت صفوة للجانب المهني وأكدت أنها بتضطر توافق على أدوار لا تعجبها ولا تشعر بالرضا عنها بسبب الظروف المادية، وقالت إن لقمة العيش ساعات بتكون أقوى من الاختيار الفني، وهو ما يعكس واقع كثير من الفنانين بعيداً عن الصورة البراقة التي يراها الجمهور.
وفاجأت صفوة الجمهور بالحديث عن بداياتها موضحة أن احتراف الرقص لم يكن هدفها الحقيقي، بل كان مجرد طريق للوصول إلى مسرح جلال الشرقاوي الذي كان حلمها، لأنها كانت تريد الوقوف على خشبة المسرح كممثلة شاملة تغني وتمثل وترقص.
وكشفت تفصيلة شخصية مؤثرة عن زواجها وهي في عمر 17 سنة، وأكدت أن الدافع لم يكن تكوين أسرة أو إنجاب أطفال، لكن الزواج كان وسيلة لأخذ مساحة تدخل التمثيل لأن أهلها كانوا رافضين، واعتبرت أن السؤال عن زواجها في السن ده تدخل وقلة أدب.
صفوة: الناس مسحت تاريخي بسبب هي فوضى
وعبرت عن غضبها من فيلم هي فوضى وقالت إن الناس مسحت تاريخها الفني ومبقاش فاكرين غير الفيلم ده، وأوضحت أن مشاهد القبلة والقلم اللي ضربها بيه خالد صالح ماكنوش في السيناريو الأصلي واتضافوا أثناء التصوير، ووافقت عليهم عشان رؤية المخرج وكانت فاكرة إن المونتاج هيعدل ده.
وأكدت أن مشاركتها في 4 مسلسلات خلال رمضان 2026 كانت مخاطرة كبيرة، لكنها حبت أدوارها في إفراج واتنين غيرنا وعلي كلاي، وأشادت بالفنان عمرو سعد وقالت إنها مهووسة بيه وإنه شخص راقي ودمه خفيف واتشرفت بالشغل معاه في إفراج.
0 تعليق