تحدثت أسما شريف منير عن صعوبة المرحلة الحالية، مشيرة إلى أن ما يشهده هذا الزمن من فتن وتغيرات في المفاهيم جعل التمسك بالحق ومجاهدة النفس أكثر صعوبة وتعقيدًا، مؤكدة أن النجاة تكون بالرجوع إلى القرآن والسنة الصحيحة.

أسما شريف منير تتحدث عن صعوبة المرحلة الحالية وزمن الفتن

وكتبت أسما في منشور عبر حسابها الرسمي على «إنستجرام»: «رحلة طلب العلم مش سهلة، خصوصًا فى زمن زى اللى إحنا فيه، زمن اختلط فيه الحق بالباطل، وبقى فيه كلام دخيل على الإسلام بيتقال بثقة".

وأضافت:"كلام يبان عادى جدًا لكنه ممكن يفتح أبواب ضلال كبيرة، عشان كده المرجع الحقيقى لازم يفضل دائمًا: القرآن والسنة الصحيحة وفهم السلف الصالح، لأن من غير ده الإنسان ممكن يتوه وسط كثرة الآراء والكلام اللى عليه إضافات واجتهادات مش من الدين".

وتابعت: "إحنا فعلًا فى زمن الفتن فيه رهيبة، بقى الغلط يتسمى حرية وانفتاح، وبقى القرب من ربنا عند ناس كتير يتفهم إنه تشدد أو تطرف، الموازين اتقلبت، والحق بقى غريب، والتمسك بيه محتاج مجاهدة وصبر وثبات".

وأختتمت: "أنا فعلًا فى رحلة صعبة، وكل ما الواحد بيحاول يطهر نفسه ويظبط حياته وينظف قلبه ويقرب من ربنا، بيحس إنه غريب وسط ناس كتير حواليه. ودى من أصعب الحاجات، إنك تجاهد نفسك، وتجاهد هواك، وتجاهد الشيطان اللى بيجيلك من كل اتجاه علشان يوقفك أو يبوظلك اللى بتبنيه لكن لما الإنسان يصدق مع ربنا فى طلب الهداية، ربنا بيكرمه ويفتح له ويبصره ويحفظه".