مدحت شلبي، قال المعلق الرياضي مدحت شلبي: "أحب أكون كوميديان بس مش على المسرح، محبش كلامي يكون فيه جدية أوفر لإن الناس محتاجة ابتسامة وضحكة، كوميديان غير مفتعل يعني معنديش نص ولا سيناريو وأنا ملك الخروج عن النص بس بشياكة مش أوفر".

بداية مدحت شلبي كضابط شرطة

وأضاف خلال لقائه ببرنامج "ع المسرح" المذاع علي قناة "الحياة": "أنا كنت ضابط شرطة مش محترف، اشتغلت سنة واحدة بس في إطار الأمن العام علشان كنت من المتفوقين في دفعتي وتم تعيين في قسم النزهة جنب بيتي ووقتها كنت لاعب في منتخب الشرطة اللي بيلعب في الدوري ووقتها كنا بنطلع تدريبات والمأمور كان متضايق ان ضابط عنده بيجي يقعد ساعتين وياخد بعضه بشنطة الكورة ويطلع التدريب فبعت للمديرية وقال لهم شوفولي واحد بدل مدحت شلبي لإنه هيبوظ الظباط والقسم المديرية ردت وقالت مفيش بدل فقالهم خدوه من غير بدل، وقتها دوروا لي علي مكان في مركز التدريب الرياضي باعتباري إني كنت بلعب كورة واشتغلت كل خدمتي في الرياضة ما بين اتحاد الشرطة الرياضي وحرس جامعة عين شمس وكانت علاقتي بالطلاب كويسة وواخدين علي بعض واقعدت 15 سنة في حرس الجامعة، ولما اتنقلت من المجال الشرطي للإعلام من مدحت شلبي لشلبوكة مكنش فيه فرق كبير أوي".

قصة مدحت شلبي مع الكرة

ولفت: "طول عمري لاعب كورة من قبل الشرطة، ولعبت في الكلية ومنتخب الشرطة، واشتغلت في التدريب بعد دورة تدريبية في شمال إنجلترا".

هوية مدحت شلبي الكروية 

وأشارمدحت شلبي: "علشان أنجح لازم أتخلص من هويتي الرياضية بأحاسيسي وأفعالي، لكن ربما الأهلي حظه حلو معايا شوية لما أعلق على ماتشات الكرة أهلي وزمالك فيقولك ده أهلاوي علشان الأهلي عادة بيكسب الزمالك في الماتشات اللي بيعلق عليها، فجمهور الأهلي يتفاءل وجمهور الزمالك يتشاؤم".

 

وعن حقيقة انتمائه في التشجيع للنادي الأهلي وفقا لرواية رضا عبد العال، علق: "إذا كان مراتي متعرفش أنا أهلاوي ولا زملكاوي يبقى هو يعرف ده حتى جوجل ميعرفش، أنا هويتي متبانش عليا لإني محبش أخسر أي جمهور، وقلت لمراتي لم أغادر الحياة في آخر لحظة هقولك أنا أهلاوي ولا زملكاوي".

ونقدم لكم من خلال موقع "فيتو"، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة، أخبار مصر، أخبار الاقتصاد، أخبار المحافظات، أخبار السياسة، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية، بالإضافة للنقل الحصري لـ أخبار الفن والعديد من الأنشطة الثقافية والأدبية.