كهربا، قال محمود عبد المنعم كهربا:"لما اتسألت عن الصفقة الأفضل عبد الله السعيد للزمالك ولا إمام عاشور للنادي الأهلي، وقلت إمام وفرق السماء عن الأرض، علشان إمام لسه صغير في السن وعنده 25 سنة وعبد الله السعيد 38 سنة، وأنا كنت بتكلم بتلقائية ومش عارف إن فيه كاميرا ومكنتش مدي خوانة".

حرص كهربا علي عبد الله السعيد

وأضاف خلال لقائه ببرنامج "أسرار" الذي تقدمه الإعلامية أميرة بدر بقناة "النهار":"أنا كنت جنب عبد الله السعيد وخايف عليه في المقلب، واتضايقت عليه علشان هو كبير في السن، مكنش ينفع يتهزر معاه كده وعيب يحصل كده في مقلب رامز جلال معاه، وأنا اتضايقت من نفسي علي تشبيه السما والأرض لأن في الأول والآخر عبد الله السعيد زميل ملاعب، والله مكنتش أعرف إن الحتة دي متصورة وهتتعرض كنت بتكلم عادي".

 

 

كهربا يلوم نفسه بسبب عبد الله السعيد

وتابع: "أنا زعلت من نفسي لأن مينفعش أتكلم عن زميل ليا بأسلوب وحش، إمام عاشور أخويا الصغير وعبد الله السعيد له احترامه ومينفعش إني أقطع فيه، وعبد الله شخصية جميلة وطيب وهو عارفني من زمان ومفيش بيني وبينه مشاكل وهو حبيبي".

وأكمل كهربا:"لو رامز جلال جابني معاه في برنامج رياضي السنة الجاية هدمرله البرنامج خالص، بس هو أخويا وحبيبي وأنا معنديش مشكلة أروح برامج مقالب تاني عادي، ورامز أهلاوي أوي واتكلم عليا بشكل حلو".

 

سر الخلاف مع مهيب عبد الهادي وقصة رامز جلال

ولفت:"أنا لما شديت مع مهيب عبد الهادي بعد نهائي كأس مصر في السعودية كان بسبب مقلب رامز جلال، المقلب كان تقيل شوية عليا، وأنا أصلا كنت رايح إنه برنامج عادي ومفيش مقالب فاتخبطت في دراعي ومكنش عاجبني يحصل فيا كده ومحدش يعرف يهيني لإني بعرف آخد حقي علطول ومبستناش ورامز جلال أخويا وحبيبي وشخصية جميلة وفي نهاية الحلقة معملتش القفلة لإني مكنتش شايف قدامي، بس أنا ومهيب اتصالحنا، أنا كان في دماغي إن الكلب هيعضني وأنا بخاف من الكلاب جدا ولو الكلب ساب أنا بقى هلعب كورة تاني إزاي وعلشان كده بخاف من الكلاب في الجزئية دي، عموما الموضوع انتهى واتصالحت أنا ورامز بعد 3 أيام من المقلب".

 ونقدم لكم من خلال موقع "فيتو"، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة، أخبار مصر، أخبار الاقتصاد، أخبار المحافظات، أخبار السياسة، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية، بالإضافة للنقل الحصري لـ أخبار الفن والعديد من الأنشطة الثقافية والأدبية.