مالك كافيه التجمع يطالب بالقبض على فتيات العباءة: افتعلن مشكلة للهروب من الحساب

المصرى اليوم 0 تعليق ارسل طباعة تبليغ حذف

اشترك لتصلك أهم الأخبار

كشف مالك كافيه التجمع الخامس تفاصيل واقعة طرد 3 فتيات من الكافيه أعتراضًا علي ارتدائهن العباءة، وقال إن هؤلاء الفتيات قمن بالانصراف من المكان دون سداد قيمة طلباتهن نافيا القيام بطردهن من المكان.

وأضاف مالك الكافيه في محضر الشرطة أن الفتيات قمن بافتعال مشكلة مع مدير المكان بعد أن فوجئ بعدها بقيام إحداهن بالتشهير باسم الكافيه على موقعي التواصل الاجتماعى فيس بوك وتويتر.

تم تحرير محضر بالواقعة وإحالته إلى النيابة العامة للتحقيق، وجارٍ ضبط الفتيات لسماع أقوالهم في الاتهامات الموجهة إليهن.

وقالت مصادر أمنية إنه تم الاستماع إلى أقوال مالك الكافيه، ونفى ما تم تداوله من ادعاءات، وقدم في المحضر أسطوانة مدمجة عليها تسجيل من كاميرات المراقبة في الكافيه، والتي أكدت دخول الفتيات المكان دون اعتراضهن.

كانت دينا حشيش، إحدى الفتيات المتواجدات في الواقعة، عبر حسابها على موقع فيس بوك: «الواحد كان فاكر إن لسه شهر على خناقة البوركيني والتشنج الطبقي بس أنا افتتحت الموسم بأول قصة أنا وفريق الشغل قررنا نعمل ميتينج مهم في التجمع في كافيه الصبح، حد اقترح كافيه هو كافيه شيشة بسيط بس محدث في شارع التسعين ومكلفين التشطيب ومزودين الأبانوس وعاملين كافيه فكروني بالمحجوب.

وقالت: «بدأنا الميتينج وكنا 5 بنات كل واحدة فينا شكل البلوند، أنا، محجبات بأشكال مختلفة، مجموعة diverse زي إعلانات Benetton. إحنا تيم كونتنت بنكتب لـ١.٧ مليون فولوورز وأحلى حاجة فينا اختلافنا لأن بنوصل لكل متابعينا مهما كانت خلفيتهم».

وتابعت: «وبعد ساعتين جت آخر بنت بدموع في عينيها من الإحراج وبتقولنا مش هقدر أحضر الاجتماع مش عايزيني هنا علشان لابسه عباية!!! ودي مش أي واحدة في فريق الكونتنت، أنا بقولها أنا هتبناكي من كتر حبي وإعجابي بيها».

وذكرت حشيش الواقعة، وقالت: «رحت للمدير قولتله عيب عليك إحنا في ٢٠٢١ وقدمت قوي حوارات الخوف من الاختلاف وبرضو مش هناقشك إن لك دريس كود، حقك ولكن أنا مديريتهم وجايباهم ومتكسفنيش قدامهم إحنا ساعة وماشيين. ولازم السينس إنت شايف ناس محترمة فعادي المكان فاضي أصلًا، يقولي في كاميرات والمدير هيلومني ومش مسموح بعباية ولا نقاب ولا شبشب أنا عمري في حياتي ما اتطردت من مكان ويوم ما يحصل يبقى في قهوة، وأنا أصلا مابشيش وجريوا ورانا في الشارع علشان ندفع تمن الأكل اللي ملحقناش ناكله، وكامل زي ما هو، وقولناله خلي مديرك يدفعه بعد المهانة دي. تطردني وأنا باكل وتقولي ادفعي».

وأكملت: «كلنا وقفنا مع صاحبتنا وساندنا اختيارها في لبسها ومشينا ورحنا Casper &Gambinis اللي هو أشيك وأنضف وأغلى ولا إنسان بصلنا، ده Sachi وCrimson بشوف فيهم محجبات.. مش عايزة أفاجئ hookah بس أنتم بتوع شيشة مش بار ولا club فمشكلتك مع اللبس غير مفهومة ودي آخرت الإحداث. أتمنى من مدير Hookah إن تشوفوا دكتور ممكن يساعدكم في حل مشاكلكم النفسية، العلاج النفسي مش عيب ده بينور وبيساعدنا نتقبل.. أما بالنسبة لمشكلتكم في الـmarketing والـ brand development»..

وضمن التعليقات، كشفت حشيش عن رسالة وصلت لها من الكافيه عبر حسابها على إنستجرام، جاء فيها إن الكافيه يحترم كافة الفتيات، وإن فريق العمل الخاص بحشيش تواجد لأكثر من ساعتين قبل الواقعة.

وختمت تعليقها: «السخرية إن مشغلين قرآن في المكان!! اللي بيسألوا ما كلمناش الشرطة ليه، كان في ميتينج شغال والوقت كان ضيق جدا».

إخترنا لك

أخبار ذات صلة

0 تعليق